صفحتنا على الفيس بوك... زيارتك تسعدنا وانضمامك لنا يشرفنا.

شرح طريقة عمل شات اكسات مجانى جديد 2017 بالصور New Chat Xat

بريدك:

بعد ان تقوم بادخال بريدك ستصلك رسالة اضغط على الرابط الموجود بداخلها لتفعيل حسابك.


بسم الله الرحمن الرحيم
انهارده هشرحلكم ازاى نعمل شات جديد على الشركة المشهورة اكسات Xat.

الموضوع بسيط وسهل جدا بس ركزو معايه كدا
1- اول حاجه هتعملها هتدخل على الرابط اللى هتعمل منه الشات بالضغط هنا
او من خلال الرابط التالى : https://xat.com/web_gear/chat/creategroup.php
2- هتحط البيانات المطلوبة منك فى المربعات المشار اليها فى الصور  وهقلهملكم تانى من غير صور هما دلوقتى سهلو الموضوع وخلو الصفحة بالعربى زمان مكنش فى الكلام دا وكنا بنتعب علشان نعمل شات :D المهم...

شرح الصورة رقم (1)
  • اول مربع هتحط فيه اسمك يكون بالانجلش اسمك واسم الاب.
  • تانى مربع هتحط فيه اسم الشات ويكون انجلش لان دا هيكون رابط الشات ومن غير مسافات او شرط صغيرة او نقاط تقدر ستخدم الشرط الكبيرة زى دى _ ولازم يكون اسم متوفر ومحدش عاملة قبل كدا.
  • تالت حاجه هتكتب اسم الشات بالعربى.
  • رابع حاجه هتكتب باسورد للشات ودا اللى هتدخل بيه بعد كدا على اعدادات الشات.
  • خامس مربع اللى مكتوب قصاده اشعارات دا اكتب فيه وصف للشات بتاعك اى حاجه يعنى.
  • سادس مربع هتكتب الاميل اللى هتعمل بيه الشات واللى هتوصلك عليه رساله تفعيل الشات ان كان ياهو او جى ميل ويفضل ميطلعش برا الاتنين دول لسهولة وصول الرساله.
  • سابع مربع سيبه فاضى.

بعد كدا يا معلم هتيجى عند المربع بتاع تاكيد انك مش برنامج روبوت وهتضغط على علامه صح اللى فيه هيفتحلك مربع وهيطلب منك تحدد مجموعة من الصور ولو الكلام اللى من فوق مكنش عربى يفضل انك تترجمة علشان تعرف نوعية الصور اللى المفروض تحددها وبعد كدا تضغط على كلمة تاكيد.

اخر حاجه هتعلم قصاد كلمه انا عمرى اكثر من 14 واوافق على الشروط بعلامة صح.
وبعد كدا تضغط على انشاء مجموعة

لو ملقتش بتاعة انا لست برنامج روبوت ولا لقيت انا عمرى اكثر من 14 هتغير المتصفح بتاعك وتفتح صفحة عمل الشات من على متصفح تانى , او فى طريقة تانى انك تضغط على انشاء مجموعة هيجبلك الصفحة من جديد والبيانات زى ما هيا بس هتلاقى الاختيارين بتوع برنامج الروبوت اللى عاوزك تحددله صور وانا عمرى اكثر من 14 سنه واوافق على الشروط اتفتحولك اعمل المطلوب فيهم واضغط على انشاء مجموعة تانى الشات هيتعمل وهيحولك على الصفحة اللى بعد كدا وهى.

الموجوده فى صورة رقم (2)
ودى بتعرفك ان الشات اتعمل بس عايزينك تفتح الاميل اللى حطيته وانت بتسجل هتلاقى رساله جيالك من Xat افتحها واضغط على الرابط الموجود فيها زى مهو موضح فى الصورة علشان تفعل الشات وتشغله

بعد كدا نيجى للصورة رقم (3)
وهى الرساله اللى جتلك من اكسات هتضغط عليها.

وبعد كدا الصورة رقم (4)
هتلاقى الشات اتفتح واشتغل قدامك وانت المالك الاول والرئيسى للشات  ولو لاحظت هتلاقى فوق الشات رابط للشات بتاعك هتدوس علية علشان تفتح الشات فى صفحتة الرئيسة والخاصة بية.

وبعد كدا الصورة رقم (5) والاخيرة
وهى بتوضحلك شكل الشات بعد ما فتحتة من الرابط الرئيسى بتاعه ومبروك عليك الشات وان شاء الله هعمل شروحات تانى لشرح تغيير صور الشات واضافة راديو ليه.

طولت عليكم معلش لكن حبيت اشرحلكم بشكل واضح وبالتفصيل , ولو فى حاجه وقفت معاكم او محتاجين شرح لاى حاجه تانى اكتبو فى تعليق. يلا سلام عليكم







شات اكسات , chat xat , طريقة عمل شات , شرح عمل شات , طريقة عمل شات مجانى , شرح عمل شات مجانى بالصور , طريقة عمل شات اكسات xat , شات كتابى , طريقة عمل شات كتابى مجانى , شرح شات اكسات

ليست هناك تعليقات:

اترك تعليقك - تذكر قوله تعالى: (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))